Mapusa Crime: 2016 साली सालीगाव येथील एका मारहाण प्रकरणाचा निकाल कोर्टाने बुधवारी देत आरोपीची फौजदारी प्रक्रिया संहितेच्या कलम 437-A अन्वये 10,000/- रुपयांच्या जातमुचल्यावर सुटका केली आहे.

16.01.2016 रोजी दुपारी 2 च्या सुमारास आरोपीने फिर्यादीला अर्वाच्य भाषेत शिवीगाळ करत रॉडने मारहाण करत जिवेमारण्याची धमकी देऊन दुचाकीवरून घटनास्थळावरून पळ काढला होता.

याप्रकरणी सालीगाव पोलिसांनी ब्रेन पी. डिसिल्वा या आरोपीविरुद्ध गुन्हा दाखल केला होता. प्रकरण कोर्टात गेल्यावर सुनावणीदरम्यान न्यायाधीशांनी दोन्ही पक्षांचा युक्तिवाद ऐकून आरोपींची आरोपातून निर्दोष मुक्तता केली.

निर्णय देताना कोर्टाने असे सांगितले की, आरोपींविरुद्ध कोणताही पुरावा सादर झाला नसल्याने तसेच खटला टिकून ठेवण्यात फिर्यादी पक्षही अपयशी ठरल्याने आरोपीची मुक्तता करण्यात येत आहे.

न्यायालयाने फौजदारी प्रक्रिया संहितेच्या कलम 248(1) नुसार भारतीय दंड संहिता, 1860 च्या कलम 324 आणि 506(ii) नुसार आरोपींची निर्दोष मुक्तता केली