Goa Utsav: विजयादशमी दिवशी म्हापसा शहरात महारुद्र संस्थानतर्फे श्री हनुमंताची लालखी नगरप्रदक्षिणेस निघाली. विशेष म्हणजे, ही लालखी खोर्ली-सीम ओलांडून खोर्ली भागात प्रवेश करते. तत्कालिन खोर्लीतील व्यापारी असलेले स्व. विठ्ठल सावंत यांच्या निवासस्थानी या लालखीचे दरवर्षी आगमन होते.

यंदाही खोर्लीवासीय नागरिक श्रींच्या स्वागतास मोठ्या संख्येने उपस्थित होते. यावेळी श्री हनुमानानाचे भाविकांसह सीमोल्लंघन झाले. लालखी स्व. सावंतांच्या घरी आल्यावर पूजाअर्चा झाली. आरतीनंतर, जवळच उत्सवासाठी लावलेल्या आपट्यांच्या झाडाचे पूजन करण्यात आले व त्यानंतर सोने लुटण्याचा कार्यक्रम झाला.

तसेच, यावेळी हाती लागलेली हे सोने नंतर लोकांनी आपल्या मित्रमंडळीला देऊन एकमेकांस दसऱ्याच्या शुभेच्छा दिल्या. लालखीचे रात्री 1च्या सुमारास महारुद्र मंदिरात पुनरागमन झाले. नंतर आरती व तीर्थप्रसाद वितरणानंतर या उत्सवाची सांगता झाली.