गोव्यात मंगळवारी (दि.26) दिवसभरात 150 नव्या कोरोना बाधित रूग्णांची (New Covid cases) नोंद झाली आहे. राज्यातील सक्रिय कोरोना रूग्णांची (Active Cases) संख्या वाढली असून, ती 737 एवढी झाली आहे. आज 82 कोरोनामुक्तांना डिस्चार्ज (Discharge) देण्यात आला आहे. तर, एकही कोरोना रूग्णाच्या मृत्यूची (No Covid Death) झालेली नाही.

गोवा आरोग्य विभागाच्या आकडेवारीनुसार, राज्यातील एकूण कोरोना बाधित रूग्णांपैकी दोन लाख 46 हजार 922 जण यशस्वी उपचारानंतर बरे झाले आहेत. राज्याचा कोरोना रिकव्हरी रेट 98.14 टक्के (Recovery Rate) एवढा आहे. सध्याच्या घडीला गोव्यात 150 जण होम क्वारंटाईन आहेत. गोव्यात कोरोनामुळे 3 हजार 949 रूग्णांचा मृत्यू झाला आहे.

देशात देखील कोरोनाचा संसर्ग पुन्हा डोकं वर काढताना दिसत आहे. देशात सध्याच्या घडीला 1 लाख 47 हजार 512 सक्रिय कोरोना रूग्ण आहेत. गेल्या चोवीस तासांत 36 कोरोना रूग्णांचा मृत्यू झाला आहे. दरम्यान कोरोना प्रतिबंधक लसीकरणात (Corona Vaccination) भारत आघाडीवर असून, देशाने दोनशे कोटी लसीकरणाचा टप्पा पूर्ण केला आहे. सध्या देशात मोफत बूस्टर डोस (Booster Dose) दिला जात आहे.