Goa Liberation गोवा मुक्‍ती लढा ही केवळ एक ऐतिहासिक नोंद नव्‍हे तर तो स्वातंत्र्य सैनिकांच्‍या त्‍यागांचे आणि धैर्याचे एक धगधगते पान.

त्‍यामुळे या मुक्‍ती लढ्याची माहिती नव्‍या पिढीपर्यंत पोचणे अत्‍यंत गरजेचे असून त्‍यासाठी हा माहितीपट तयार केला गेला असे या माहितीपटाच्‍या निर्मात्‍या ज्‍याेती कुंकळकर यांनी सांगितले.

त्‍यांनी तयार केलेल्‍या ‘गाेंय स्वातंत्र्याचे होमखण’ या माहितीपटाचे चौगुले महाविद्यालयात आज प्रदर्शन करण्‍यात आले. यावेळी मडगावच्‍या हॉस्‍पिसियोतील डाॅक्‍टर सुप्रिया प्रभुदेसाई धोंड या उपस्‍थित होत्‍या.

हा माहितीपट पाहिल्‍यावर साडेचारशे वर्षांचा इितहास कुंकळकर यांनी अवघ्‍या एका तासात या माहितीपटातून प्रभावीपणे सादर केला असे शिफारस पत्र डॉ. प्रभुदेसाई यांनी दिले.

कुंकळकर यांच्‍या या माहितीपटाचे सध्‍या गोव्‍यातील वेगवेगळ्‍या शाळा आणि महाविद्यालयात प्रदर्शन केले जात आहे. या माहितीपटात गाेवा मुक्‍ती लढ्याची समग्र माहिती चित्रपट रुपात दाखविण्‍यात आली आहे.

आज झालेल्‍या कार्यक्रमाच्‍यावेळी चौगुले महाविद्यालयाच्‍या प्राचार्य डॉ. संगीता साखळकर, संपदा कुंकळकर तसेच सरिता नाईक तारी हे उपस्‍थित हाेते. या कार्यक्रमाचे सुत्रसंचालन वनेसा बार्रुश कुलासो यांनी केले तर आभार प्रदर्शन सरिता नाईक तारी यांनी केले.