Ketan Bhatikar देवदेवतांची मांदियाळी असलेल्या मुर्डी-खांडेपार भागात विनाकारण १४४ कलम लावून ग्रामस्थांमध्ये अशांतता, दहशत निर्माण करण्याचा प्रयत्न केला जात आहे. या प्रकाराचा आपण निषेध करीत असल्याचे येथील मगो पक्षाचे नेते डॉ. केतन भाटीकर यांनी पत्रकार परिषदेत सांगितले.
मुर्डी-खांडेपार बंधाऱ्यासाठी लोकांना वेठीस धरण्याचा प्रकार चालला आहे. या बंधाऱ्याला लोकांचा ठाम विरोध असतानाही अशा प्रकारचा निर्णय ऐन श्रावण महिन्यात सरकारने घेतल्याने घबराटीचे वातावरण पसरले आहे.
विशेष म्हणजे या १४४ कलमासंबंधी स्थानिक आमदार तथा कृषीमंत्री रवी नाईक यांना काहीच माहिती नाही. सरकारचा घटक असूनही एका ज्येष्ठ मंत्र्याला सरकार विश्वासात घेत नाही असे आम्ही समजायचे काय? असा सवाल करून लोकांच्या भावनांशी खेळण्याचा प्रकार त्वरित बंद करा, असे भाटीकर म्हणाले.
दोन वर्षांपूर्वी आलेल्या महापुरात मुर्डी-खांडेपार भागातील काही लोक बेघर झाले होते. त्यावेळी आम्ही मगो पक्षामार्फत मदतकार्य केले. काहीची घरे बांधून दिली. त्या लोकांना आता बंधारा बांधल्यावर महापुराचा फटका निश्चितच बसेल, असे भाटीकर यांनी नमूद केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.