मडगाव : मठग्रामस्थ हिंदू सभा संचालित मडगाव येथील श्री दामोदर उच्च माध्यमिक विज्ञान शाळेचा यंदा बारावीचा निकाल (HSC Result) 100 टक्के लागला. त्यांचे 254 पैकी 254 विद्यार्थी (Students) उत्तिर्ण झाले. त्यातिल 136 विशेष प्राविण्य व 116 प्रथम श्रेणीत उत्तिर्ण झाले. 11 विद्यार्थ्यांना (Students) 90 पेक्षा जास्त टक्के गुण मिळाले. आदिती विवेकानंद सावंत ही विद्यार्थिनी 95.33 टक्के गुण घेऊन शाळेत प्रथम आली. स्मितल चंद्रहास देसाई व वेदांग राजन बाळे यांना प्रत्येकी 94.83 गुण मिळाले. श्रवण ज्ञानेश्र्वर फडते यास 93.17 टक्के गुण मिळाले.

स्मितल देसाईस मराठी मध्ये 100 पैकी 100 व वेदांग बाळेस हिंदीमध्ये 100 पैकी 100 गुण मिळाले. इंग्रजी विषयात आदिती, जोशवेल फर्नांडिस व वारसी एन नाईक यांना सर्वाधिक प्रत्येकी 96 गुण मिळाले. स्मितल देसाईस भौतिकशास्त्र, रसायनशास्त्र व जीवशास्त्र या विषयांत सर्वाधिक 286 तर वेदांग उर्फ इशान बाळे यास भौतिकशास्त्र, रसायनशास्त्र व गणित विषयात सर्वांधिक 286 गुण मिळाले. वेदांगला गणितात 99, आदितीला रसायनशास्त्रामध्ये 95 व स्मितलला भौतिकशास्त्रामध्ये 94 गुण मिळाले.

कोकणी विषयात नुपुर नवगुंडकर व राम करमली यास सर्वाधिक 96 गुण मिळाले. संस्कृतमध्ये तनुजा मांद्रेकरला 95, पोर्तुगीजमध्ये सोहिल मिनेझीसला 85 व फ्रेंचमध्ये फ्रेझियर जेसुसला 99 गुण मिळाले. मठग्रामस्थ हिंदू सभेचे अध्यक्ष पांडुरंग उर्फ भाई अनंत नायक, व्यवस्थापक, प्रिंसिपल व शिक्षकांनी उत्तिर्ण विद्यार्थ्यांचे अभिनंदन केले आहे.