ऑगस्ट 2021 या महिन्यात देशाचे जीएसटी संकलन (GST Collection) एक लाख कोटी रुपयांच्या पुढे गेले आहे . याआधी मागच्या जुलै महिन्यातही केंद्र सरकारने जीएसटीच्या (Goods And Service Tax) माध्यमातून एक लाख कोटी रुपयांहून अधिक निधी उभारला होता. बुधवारी अर्थ मंत्रालयाने (Finance Ministry ) जाहीर केलेल्या आकडेवारीनुसार ऑगस्टमध्ये 1.12 लाख कोटी रुपयांचा जीएसटी केंद्राला प्राप्त झाला आहे. हा आकडा गेल्या वर्षी याच महिन्यातील संकलनापेक्षा 30 टक्के अधिक आहे. अर्थ मंत्रालयाने जारी केलेल्या निवेदनात म्हटले आहे की, ऑगस्ट महिन्यात एकूण 1,12,020 कोटी रुपयांचे जीएसटी संकलन (Tax Collection) झाले आहे. (Goa GST: 285 crore tax collection in the state)

तर राज्याच्या कर संकलनाचे आकडे देखील जाहीर करण्यात आले आहेत.राज्यात वस्तू व सेवा कराच्या माध्यमातून ऑगस्ट महिन्यात कालावधीत गोव्यातून 285कोटी जमा झाले आहेत. गतवर्षी याच महिन्यात 213 कोटी जीएसटी जमा झाला होता.मागच्या वर्षीच्या तुलनेत या वर्षी संकलनात 34 टक्क्यांनी वाढ झाली आहे.

काल केंद्र सरकारने जीएसटीच्या रूपाने संपूर्ण देशभरातून केंद्र सरकारच्या तिजोरीत 1 लाख 12 हजार 20 कोटी रुपयांचा कर जमा केला आहे. यात राज्यांची कर रक्कम 26 हजार 605 कोटी असून केंद्राचा वाटा 20 हजार 522 कोटी इतका आहे. दोन्ही कर मिळून जीएसटी संकलन 56 हजार 240 कोटी रुपये झाले आहे.