मडगाव: सरकारी प्राथमिक शाळेत शिक्षिका म्हणून नोकरी मिळवून देण्याचे आमिष दाखवून बारा लाख रुपयांची फसवणूक केल्याप्रकरणी कुंकळ्ळी पोलिसांनी तिघांविरुद्ध गुन्हा दाखल केला आहे.

साईनाथ ऊर्फ निखिल नाईक, कल्पेश बुक्कम व नरेंद्र कुडाळकर अशी संशयितांची नावे आहेत. पोलिस निरीक्षक डायगो ग्रासियस यांच्या मार्गदर्शनाखाली उपनिरीक्षक सुदन भोसले पुढील तपास करीत आहेत.

पाळोळे येथील अमराज भंडारी हे तक्रारदार आहेत. फसवणुकीची वरील घटना ऑक्टोबर २०२४ साली बाळ्ळी येथे घडली आहे. संशयितांनी तक्रारदार व त्याचा भाऊ रविराज यांच्याकडून त्याच्या मेव्हणीला सरकारी प्राथमिक शाळेत शिक्षिकेची नोकरी मिळवून देऊ असे सांगून १२ लाख रुपये घेतले होते.