मडगाव (खास प्रतिनिधी) : म्हादई पाणी प्रश्नात गोवा सरकार सरकार पुर्णपणे गंभीर असून आम्हाला प्रमोद सावंत यांचे सरकार न्याय देईल याची पूर्ण खात्री आहे असे मत भाजप एसटी मोर्चाचे उपाध्यक्ष अँथनी बार्बोजा यांनी व्यक्त केले. (Mahadayi Water Dispute)

भाजप प्रदेश अध्यक्ष सदानंद तानावडे यांचा वाढदिवस कुडतरी भाजप मंडळाने कुडतरी येथील वृद्धाश्रमात साजरा केला. यावेळी पत्रकारांशी बोलताना बार्बोजा यांनी म्हादई संदर्भात वक्तव्य केले.

मुख्यमंत्री प्रमोद सावंत आणि जलस्रोत खत्याचे मंत्री सुभाष शिरोडकर हे हा प्रश्न खंबीरपणे हाताळण्यास सक्षम आहेत. मात्र विरोधकांनी त्यांना विरोध करण्याऐवजी या एका प्रश्नावर एकत्रित पाठिंबा देऊन या लढ्यात एकीचे बळ दाखविण्याची गरज त्यांनी व्यक्त केली.

आज मंडळातर्फे या वृद्धाश्रमातील वृध्दांना भेटवस्तू देण्यात आल्या. यावेळी मंडळाचे अध्यक्ष नीलकंठ एकावडे, राज्य महिला मोर्चाच्या उपाध्यक्ष डॉ. स्नेहा भागवत, मंडळाचे उपाध्यक्ष मेहबूब मकांदर, सचिव तारकेश्वर नाईक , कुडतरी महिला मोर्चा अध्यक्ष बबिता बोरकर तसेच अन्य सदस्य उपस्थित होते.