Construction under process for Goa Mopa International Airport Dainik Gomantak
गोवा

Goa: भूगर्भ तपासणीशिवाय ‘मोपा’चे बांधकाम रेटणे धोकादायक

मोपा विमानतळाच्या (Goa) बांधकाम क्षेत्रात (Mopa Airport) काही दिवसांपूर्वी मोठमोठी भुयारे आढळली आहेत

दैनिक गोमन्तक

पेडणे : मोपा विमानतळाच्या (Goa) बांधकाम क्षेत्रात (Mopa Airport) काही दिवसांपूर्वी मोठमोठी भुयारे आढळली आहेत, तर विमानतळ बांधकामासाठी सपाटीकरण केलेल्या जागी भुयारसदृश विवरे सापडत आहेत. काही वर्षांपूर्वी विमानतळ प्रकल्पापासून जेमतेम एक किलोमीटर अंतरावर उगवे (Goa Ugve) येथील आडवण तर दुसऱ्या बाजूने कासारवर्णे भागातील डोंगरांचे भूस्खलन झाल्याच्या घटना घडल्या आहेत. त्यामुळे भूगर्भ तपासणीशिवाय विमानतळाचे बांधकाम पुढे रेटणे धोकादायक ठरू शकते.

या घटनांची पार्श्वभूमी लक्षात घेता विमानतळ क्षेत्राच्या परिसरातील माती ठिसूळ आहे, हे स्पष्ट होते. १९८१ मध्ये पावसाळ्यात उगवे येथील आडवण हा मोठ्या डोंगराचे भूस्खलन झाले होते, तर त्याच्यापूर्वी कासारवर्णे येथेही (Kasarvane Goa) अशाच प्रकारे मोठ्या डोंगराचे भूस्खलन झाले होते.

भूस्खलन झालेले दोन्ही बाजूकडील डोंगर हे मोपा विमानतळ (Mopa Airport) क्षेत्रापासून जेमतेम एक किलोमीटर अंतरावर आहेत. (Goa) त्यामुळे विमानतळ बांधकाम क्षेत्रातील भूगर्भाची तपासणी करणे अत्यंत गरजेचे आहे. एकेदिवशी सकाळी आम्ही काही शेतकरी रानात गेलो असता, उगवे येथील आडवण भागातील डोंगर तब्बल दोन माड उंचीइतका खचला होता. एवढा मोठा डोंगर खचणे, हे आमच्यासाठी मोठेच आश्‍चर्य होते. तत्कालीन मुख्यमंत्री प्रतापसिंह राणे यांनी आमच्यासोबत येऊन या डोंगराची पाहाणी केली. कोसळलेल्या डोंगराभोवती त्यांनी दगडी कुंपण घालण्याचे आश्वासन दिले होते.

पण त्याची पूर्तता झालीच नाही. डोंगर खचल्यानंतर सुमारे दहा वर्षे येथे दलदल होती. त्यामुळे या डोंगराच्या बाजूला असलेल्या शेती व काजू बागायतीत आम्ही दूरवरून जायचो, असे अरुण वासुदेव महाले (Arun Mahale) म्हणाले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Shubman Gill Century: शुभमन गिलचा धमाका! ठोकलं बॅक टू बॅक शतक, 'ही' अद्भुत कामगिरी करणारा ठरला पहिला भारतीय

Camel Tear: उंटाचे अश्रू सापाच्या विषावर गुणकारी, एक थेंब 26 सापांच्या विषावर ठरेल जालीम औषध; अभ्यासातून स्पष्ट

CO2 To Alcohol: विज्ञानाचा चमत्कार! कार्बनचे अल्कोहोलमध्ये रुपांतर करण्यात कोरियाच्या वैज्ञानिकांना यश

Anaya Bangar: 'पुरुषाच्या देहात एक कोमल स्त्री जगत होती'; अनाया बांगरने जागवल्या लिंगबदल काळातील नाजूक आठवणी

Goa Crime: पार्किंगचा वाद विकोपाला गेला, पर्ये सत्तरीत दोन तरुणांमध्ये तुंबळ हाणामारी; एकाला अटक

SCROLL FOR NEXT