Goa Forest: राज्यातील जंगलांचे संवर्धन आणि जैवविविधतेच्या संरक्षणासाठी 5 वर्षांच्या दीर्घ टप्प्याच्या योजना तयार करून त्या पुढील काही वर्षांमध्ये अंमलात आणल्या जातील, अशी माहिती वनमंत्री विश्वजीत राणे यांनी दिली.

मंत्री राणे म्हणाले की, सध्या राज्यातील सर्व अभयारण्य आणि जंगल परिसरातील भूभागाचा आढावा घेण्याचे काम सुरू आहे. यासाठीच आम्ही राज्यातील राष्ट्रीय उद्याने आणि वन्यजीव अभयारण्यांना भेटी देणार आहोत.

या अभयारण्यांचे संरक्षण आणि संवर्धनासाठी यापूर्वी केंद्रीय वन पर्यावरण आणि हवामान बदल मंत्री भूपेंद्र यादव आणि वन विभागाचे संचालक जनरल सी.पी. गोयल यांच्याशी दीर्घ चर्चा केली.

त्यांना आम्ही लवकरच आमचा सुधारित सविस्तर आराखडा सादर करणार आहोत. नव्या योजनांनुसार जंगलांमध्ये आणि जंगल परिसरामध्ये झाडे लावली जातील, ज्यामुळे वन्य प्राण्यांना आवश्यक तो पोषण आहार मिळेल, असे विश्‍वजीत राणे म्हणाले.