डिचोली: पुराचा तडाखा बसलेल्या पिळगाव पंचायत क्षेत्रातील तारवाडा येथील पूरग्रस्त जिवोत्तम तुकाराम तारी कुटुंबाला उत्तर गोवा जिल्हा पंचायतीचे अध्यक्ष कार्तिक कुडणेकर यांनी तातडीची मदत केली आहे.

रविवारी रात्री श्री. कुडणेकर यांनी पिळगाव येथे श्री. तारी यांच्या घरी भेट देवून त्यांना 10 हजार रुपयांचा धनादेश दिला. यावेळी उमाकांत परब गावकर, तारी यांच्या पत्नी प्रितम, मुलगा प्रणय आदी उपस्थित होते. दोन दिवसांपूर्वी झालेल्या पावसाच्या अतिवृष्टीवेळी मांडवी नदीचे पाणी बाहेर फुटून नदीकाठच्या तारवाडा-पिळगाव भागाला पुराचा तडाखा बसला होता.

काही घरांनी पाणी घुसून सामानाची नाशाडी झाली. जिवोत्तम तारी यांचे तर मोठे नुकसान झाले आहे. मदतीचा धनादेश हातात पडताच तारी कुटुंबियांनी समाधान व्यक्त केले.