Railway Timetable: मुंबईतील छत्रपती शिवाजी टर्मिनस ते मस्जिद दरम्यान असलेला कार्नेक रोड ओव्हरब्रिज पाडण्यात येणार असल्याने कोकण रेल्वेच्या काही गाड्यांच्या वेळापत्रकात 19 व 20 नोव्हेंबर रोजी स्टेशन थांब्यात बदल करण्यात आला आहे, अशी माहिती कोकण रेल्वेतर्फे देण्यात आली.

मध्य रेल्वेने 19 व 20 नोव्हेंबर रोजी कार्नेक रोड ओव्हरब्रिज पाडण्यात येणार असल्याने हा मार्ग बंद ठेवण्याचा निर्णय घेतला आहे. या बंदच्या काळात कोकण रेल्वेच्या काही गाड्या स्टेशन थांब्यात आणि वेळेत बदल केला आहे. यात ट्रेन क्रमांक 12052 मडगाव स्टेशन ते मुंबई सीएसटी दरम्यान धावणारी जनशताब्दी एक्सप्रेस 19 व 20 नोव्हेंबर रोजी दादर रेल्वे स्टेशनपर्यंत थांबा घेणार आहे.

ट्रेन क्रमांक 22120 मडगाव स्टेशन ते मुंबई सीएसटी दरम्यान धावणारी तेजस एक्सप्रेस 19 व 20 नोव्हेंबर रोजी दादर रेल्वे स्टेशनपर्यंत थांबा घेणार आहे. ट्रेन क्रमांक 10104 मडगाव स्टेशन ते मुंबई सीएसटी दरम्यान धावणारी मांडवी एक्सप्रेस 19 व 20 नोव्हेंबर रोजी पनवेल स्टेशनपर्यंत थांबा घेणार आहे. ट्रेन क्रमांक 10112 मडगाव स्टेशन ते मुंबई सीएसटी दरम्यान धावणारी कोकणकन्या एक्सप्रेस 19 व 20 नोव्हेंबर रोजी पनवेल स्टेशनपर्यंत थांबा घेणार आहे.