Goa Education: अखिल गोमंतक क्षत्रिय मराठा समाज, पर्वरीतर्फे समाजातील हुशार व होतकरू विद्यार्थ्यांना त्यांच्या पुढील शैक्षणिक वाटचालीसाठी विविध शिष्यवृत्ती देण्याचा कार्यक्रम लवकरच होणार आहे.

शैक्षणिक वर्ष 2020-21 आणि 2021-22 मध्ये घेण्यात आलेल्या दहावी 80 टक्के, बारावी 75 टक्के, तसेच पदवीधर व तांत्रिक, वैद्यकीय आणि पदव्युत्तर परीक्षेत 70 टक्केहून अधिक गुण मिळवून यशस्वी झालेल्या गोमंतकीय विद्यार्थ्यांचा या योजनेत समावेश असणार आहे.

तसेच, याशिवाय कला, क्रीडा, सांस्कृतिक, साहित्यिक क्षेत्रात नेत्रदीपक कामगिरी केलेल्या गोमंतकीय समाज बांधव/भगिनींचा गौरव करण्यात येईल. आवश्‍यक अटींची पूर्तता करून विद्यार्थ्यांनी आपला अर्ज 15 ऑक्टोबरपर्यंत महेश नाईक गावकर, अध्यक्ष, अखिल गोमंतक क्षत्रिय मराठा समाज, मराठा संकुल, पर्वरी-बार्देश-गोवा यांना पाठवावा.

अधिक माहितीसाठी समाजाचे कार्यालय ‘मराठा संकुल’ पर्वरी-बार्देश-गोवा येथे सुस्मिता देसाई, जगन्नाथ देसाई, सुहास फळदेसाई, गौरक फळदेसाई, केदार फळदेसाई यांना संपर्क साधावा.