पणजी: कदंब महामंडळाच्या (Kadamba mahamaṇḍaḷa) संचालक मंडळ व व्यवस्थापनाच्या अंधाधुंद काराभारमुळे (management) अनेक ज्येष्ठ वाहकांना (Senior Carrier) बढतीला (Promotion) मुकावे लागले आहे. व्यवस्थापनांने कदंबच्या किमान ५० वाहकांना त्यांच्या ज्येष्ठतेनुसार तिकीट तपासणीस अर्थात टीसी पदी बढती द्यावी. अशी जोरदार मागणी कदंब महामंडळ कर्मचारी संघटनेने केली आहे. या बढती देण्याच्या प्रक्रियेत प्रंचड घोळ झालेला असून कदंब कर्मचारी संघटनेचा एकही सदस्य संचालक मंडळावर नसल्याचा गैरफायदा संचालक मंडळ घेत आहे. असा आरोप कर्मचारी संघटनेचे अध्यक्ष शशिकांत गावकर यांनी केला आहे.

ज्येष्ठ वाहकांना टीसी म्हणून बढती देण्याची प्रक्रिया अनेक वर्षांनंतर सुरु झाली होती. मात्र व्यावस्थापन व संचालक मंडळाने आपल्याच जवळच्या लोकांना या पदावर घुसवण्यासाठी प्रयत्न सुरु केल्याने गेली अनेक वर्षे कदंब महामंडळात काम करणाऱ्या पात्र ज्येष्ठ वाहकांवर अन्याय होत आहे. कदंबचे सरव्यवस्थापक संजय घाटे दहा वाहकांना बढती देण्यात आल्याचे सांगत आहेत तर कदंब महामंडळाचे अध्यक्ष आमदार कार्लुस आल्मेदा हे या प्रकणी आपण अनभिज्ञ असल्याचे सांगत आहेत. दुसरीकडे फक्त दोनच आदेश देण्यात आल्याचे ज्येष्ठ वाहक सांगत आहेत. या प्रकरणी कर्मचारी संघटनेचे अध्यक्ष गावकर यांनी व्यवस्थापन व संचालक मंडळावर मनमाणीपणाचा व नियम डावलून काम करत असल्याचा आरोप केला आहे.

गावकर यांनी दिलेल्या माहितीनुसार गेली काही वर्षे बढती प्रक्रिया राबवण्यात न आल्याने सध्या या प्रकरणी मोठा घोळ झालेला आहे. वेळोवेळी बढती देण्यात आली असती तर हा घोळ निर्माण झाला नसता. सध्या २३ टीसीच्या जागा भरण्याचे ठरलेले आहे. मात्र संघटनेने किमान ३० भराव्यात अशी मागणी पुर्वीच केली होती. आता संघटनेने ५० जागा भरण्याची मागणी केल्याचे सांगून सध्या संचालक मंडळ व व्यावस्थापन जो मनमाणी कारभार करत आहेत त्याला संघटनेचा तिव्र विरोध असल्याचे गावकर म्हणाले.