Dudhsagar  Dainik Gomantak
गोवा

Monsoon Season In Goa: पर्यटकांसह ट्रेकर्ससाठी गुडन्यूज ! लवकरच पावसाळ्यातही दूधसागरवर ट्रेकिंग करता येणार

प्रस्ताव विचाराधीन : पर्यटकांच्या सुरक्षिततेसाठी उपाययोजना आखण्याचे आवाहन

गोमन्तक डिजिटल टीम

Monsoon Season In Goa: प्रसिद्ध दूधसागर धबधब्यावर आता पावसाळ्यात ट्रेकिंगला जाणे शक्य होणार आहे, तसा प्रस्ताव मुख्यमंत्री कार्यालयाच्या विचाराधीन आलेला आहे. या धबधब्याकडे जाणारा रस्ता अभयारण्यातून जातो.

या रस्त्यावर दोन ठिकाणी नदी ओलांडावी लागते. पावसाळ्यात मोले ते दूधसागर ही जीप वाहतूक बंद ठेवली जाते. त्यामुळे पावसाळ्यात दूध सागरचे दर्शन दुर्लभ होते. केवळ रेल्वे प्रवासाद्वारे हेच दूध सागर असे दर्शन घेता येते.

या ठिकाणी पावसाळ्यात जाण्यास बंदी असतानाही रेल्वे रुळावरून अनेक जण चालत जात असत. त्यांना अलीकडेच पकडून रेल्वे सुरक्षा दल कर्मचाऱ्यांनी ताकीद दिली. त्यांनी या पर्यटकरूपी भ्रमंतीकारांना उठाबशाही काढायला लावल्या होत्या.

ही बातमी देशभर व्हायरल झाल्यामुळे सरकारवर टीकेची झोड उठली होती. त्याची दखल घेत सनदशीर मार्गाने मोले ते दूधसागर हा गिर्यारोहणाचा मार्ग कसा खुला करता येईल, याचा विचार सरकारने सुरू केला आहे.

गोवा पर्यटन विकास महामंडळाचे अध्यक्ष आमदार गणेश गावकर यांनीही या संदर्भात मुख्यमंत्र्यांशी चर्चा केली आहे. त्यामुळे लवकरच दूधसागर वर ट्रेकिंग करणे शक्य होईल, असे दिसते.

ग्रामपंचायतींना संधी

पावसाळ्यातही जर दूधसागरवर ट्रॅकिंगची सुविधा उपलब्ध झाली तर देशभरातून या धबधब्यावर येण्यासाठी आतुरलेल्या पर्यटकांसह स्थानिक पंचायतींनाही महसूल प्राप्तीचा मार्ग उपलब्ध होणार आहे. काही दिवसांपूर्वी मैनापी धबधब्यावरील दुर्घटनेत दोघांचा बळी गेल्यानंतर सरकारने दूधसागर धबधब्यावर रेल्वेमार्गे जाण्यास बंदी घातली होती.

त्यामुळे स्थानिक पंचायत मंडळांनी नाराजी व्यक्त केली होती. मात्र, आता पावसाळ्यातही दूधसागर धबधब्यावर ट्रॅकिंगची सुविधा उपलब्ध झाली तर पंचायतींच्या महसुलात भर पडणार आहे. तथापि, पर्यटकांच्या सुरक्षेसाठी उपाययोजना करण्याची आवश्‍यकता व्यक्त केली जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

गुगल मॅपवर विसंबला 'तो' जीप्सीसह नदीत बुडाला; फेरीधक्क्यावरुन गाडी थेट पाण्यात

Goa tourism: कझाकस्तानमधून पहिलं चार्टर विमान गोव्यात दाखल, दाबोळी विमानतळावर विदेशी पर्यटकांचं केक कापून स्वागत

Goa Tiger Reserve Controversy: 'काही वाघ फिरतायेत म्हणून व्याघ्र प्रकल्प घोषित करता येत नाही', गोवा सरकारचे सर्वोच्च न्यायालयाच्या समितीला उत्तर

Election Commission: निवडणूक आयोगाचा मोठा निर्णय! बिहारनंतर आता देशातील 12 राज्यांमध्ये होणार 'एसआयआर'

Goa Politics: "एकटा लढेन, मागे फिरणार नाही",पक्ष तिकीट न मिळाल्यास 'स्वतंत्र' लढणार; डॉ. केतन भाटीकर यांची मोठी घोषणा

SCROLL FOR NEXT