Goa News: आमदार डॉ. गणेश गावकर यांनी जीप मालकांना ऑनलाइन संदर्भात सविस्तर माहिती दिल्यामुळे दुधसागर टूर असोसिएशनचे सदस्याकडून ऑनलाइन पद्धतीला टूर असोसिएशनतर्फे मान्यता देण्यात आली.

21 रोजी पुन्हा एकदा दुधसागर टूर असोसिएशनची सभा राक्षस मल्लीकेश्वर देवस्थानच्या सभागृहात बोलविण्यात आली. या बैठकीत आमदार डॉ. गणेश गांवकर यांच्यासहीत दुधसागर टूर असोसिएशनची सर्व समिती हजर होती.

दुधसागर टूर असोसिएशनचे अध्यक्ष अशोक खांडेपारकर म्हणाले, यापूर्वी झालेल्या सर्व बैठकीत ऑनलाईन करण्यास सदस्याकडून विरोध दर्शविला जात होता. याही बैठकीत काही प्रमाणात झाला. जेव्हा आमदार डॉ.गणेश गावकर यांनी ऑनलाइन संदर्भात सर्वांना सविस्तर सांगितले, तेव्हा विरोध मावळला.

वन खात्याने जी फॉर्म काढलेला आहे, तो भरून देण्यास सर्व जीप मालकांना अध्यक्ष या नात्याने आपण सांगितले आहे. या दोन दिवसात जीप मालकांकडून सर्व फॉर्म वन खात्यात देण्यात येतील. ऑनलाइन करण्यास सदस्यांकडून ग्रीन सिग्नल आहे. सरकारने आम्ही या पूर्वी केलेली ऑनलाइन वेबसाइट चालवणार असल्याचेही त्यांनी सांगितले.