Goa Drugs Case:  हडफडे येथे अंमली पदार्थ विरोधी पथकाने छापा टाकून गुन्हेगारीची पार्शवभूमी असलेल्या नायजेरियाच्या ओकेझूयुनू आनेमेम (56वर्षे) याला अटक केली.

त्याच्याकडून कोकेन, एक्स्टसी पावडर व चरस मिळून सुमारे 75 लाखांचा ड्रग्ज जप्त केला. 2013 मध्ये त्याला पर्वरी महामार्ग अडवल्या प्रकरणी अटक करण्यात आली होती.

दोन दिवसांपूर्वीच म्हणजे शुक्रवारी राज्यात अशाच प्रकारच्या दोन घटना घडल्या असून या दोन्ही घटनांमधून अंदाजे 5 लाखांहून अधिक रकमेचा मुद्देमाल पोलिसांनी जप्त केला होता.

थिवी रेल्वे स्टेशनजवळ टाकलेल्या धाडीत दोघा युवकांकडून 5.10 किलोग्रॅम वजनाचा सुमारे 5 लाखांचा गांजा जप्त केला होता.

तर कळंगुट किनारी भागातील पालमरिन्हा रिसॉर्टनजीक टाकलेल्या धाडीत 960 ग्रॅम वजनाचा 96,000 हजार किमतीचा अंमली पदार्थ पोलिसांनी जप्त केला होता.

राज्यात वाढते अपघात, चोऱ्या थांबणे या सोबतच अमली पदार्थांची विक्री थांबवणे हे मोठं आवाहन सध्या पोलिसांसमोर उभं राहिलंय.

गोव्यात अमली पदार्थ विक्री, हाताळणीच्या घटना दिवसेंदिवस वाढत असून याचे प्रमाण विशेषतः किनारी भागात वाढत आहे.