फातोर्डा येथील डॉन बॉस्को अभियांत्रिकी महाविद्यालयातील (Don Bosco Engineering Collage) माजी विद्यार्थी जे सद्या उलवन एग्रीटेक सर्विसिस (Ulavan Agritech services) कंपनीत कार्यरत आहेत त्यांनी शेतात किंवा कृषि क्षेत्रात खत व किटकनाशक औषधांचा फवारा मारण्यासाठी ड्रोन तयार केला असुन हा एक कृषी क्षेत्राक उत्क्रांती घडविणारा प्रकल्प आहे.

डॉन बॉस्को अभियांत्रिकी महाविद्यालयात दशकपुर्ती निमित्त आयोजित पत्रकार परिषदेत हा ड्रोन प्रदर्शनार्थ ठेवला होता. या ड्रोन संबंधीची माहिती या प्रकल्पाकडे संबंधीत अक्षय सराफ, राजदत्त केंकरे, आदित्य परब, रविंद्र नायक, शिवलय नायक यानी दिली.

उलवन कंपनीची स्थापना केल्यास दोन वर्षे पुर्ण झाली व तरुण कृष्णकुमार हे या कंपनीचे संस्थापक असल्याची व ही कंपनी कृषि क्षेत्रात अत्याधुनिक तंत्रज्ञानपुरक सेवा देण्यात तत्पर असल्याची माहिती त्यानी दिली.

हा ड्रोन तयार करण्यास दोन वर्षे लागली. या ड्रोनची बांधणी अशा पद्धतीने करण्यात आली आहे जेणेकरुन एक एकर जमीनीवर फवाऱ्यासाठी केवळ दहा मिनिटे लागतात. शिवाय मनुष्यबळाचाही जास्त वापर होत नाही.

एखाद्या शेत जमिनिची फवारणी करण्यासाठी या ड्रोनला दिशा दिली जाते व केवळ तो ऑपरेट करण्यासाठी एका व्यक्तीची गरज भासते, अशी माहिती यावेळी देण्यात आली. सद्या केवळ एकच ड्रोन असल्याने गोव्यात त्याला भरपुर मागणी येत आहे. अशाच प्रकारचे आणखी ड्रोन तयार करण्याचा विचार असल्याचे त्यानी सांगितले.

एक ड्रोन 500 फुट पर्यंत वर जाऊ शकतो त्यामुळे नारळाच्या माडावर पर्यंत जाऊन किटकनाशक औषधांचे फवारे करता येतात असेही त्यांनी सांगितले. शिवाय या ड्रोन द्वारे आरोग्य कर्मचाऱ्यांना घराघरांनी जाऊन डेंग्यु किंवा मलेरियाचे जंतु नष्ट करण्यासाठी किटकनाशक औषधांचे फवारे करता येतात. त्यासाठी लहान आकाराचे ड्रोन तयार करता येतात अशी माहितीही या वेळी देण्यात आली.

अशा ड्रोनचे मार्केटिंग करण्याचा कंपनीचा विचाराधीन असुन त्यासाठी प्रयत्न चालु असल्याचे त्यानी सांगितले.