पणजी- राज्याचे पोलीस महासंचालक मुकेश कुमार मीना(DGP) यांना कोरोनाची लागण झाली आहे. पुढील उपचारांसाठी त्यांना खासगी रूग्णालयात दाखल करण्यात आले आहे.
मीना यांना काही दिवसांपासून ताप येत असल्याने त्यांनी कोरोनाची चाचणी करून घेतली. आज त्यांचा चाचणी अहवाल सकारात्मक आल्याने त्यांनी स्वत:चे विलगीकरण करत पुढील उपचारांसाठी खासगी रूग्णालय गाठले.
गोव्यातील पोलिस यंत्रणा बळकट करण्यासाठी दैनंदिन बैठका घेत ते रोज सद्यस्थितीचा आढावा घेत होते. त्यातच त्यांना कोरोनाची लागण झाल्याने आता पुढील काही दिवस त्यांना उपचारांसाठी दवाखान्यात रहावे लागेल. त्यांनी जुलैमध्ये गोव्याच्या पोलिस महासंचालकपदाचा कार्यभार स्वीकारला. त्यापूर्वी ते मिझोरमच्या अतिरिक्त पोलिस महासंचालकपदी कार्यरत होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.