Dabolim Airport Goa: दाबोळी विमानतळावरून प्रवास करणे आता अधिक सुलभ होणार आहे. या विमानतळावर आता प्रवासाआधी प्रवाशांची तपासणी करण्यासाठी 15 मिनिटांऐवजी केवळ 30 सेकंदांत हे काम होणार आहे.

विमानतळ प्राधिकरणाने या विमानतळावर आठ बॉडी स्कॅनर बसवण्याचा निर्णय घेतला आहे.

कोलकाता, चेन्नई, पुणे विमानतळाच्या बरोबरीने दाबोळी विमानतळावर असे बॉडी स्कॅनर बसवण्यात येणार आहेत. त्यासाठी सार्वजनिक गुंतवणूक मंडळाने प्राधिकरणाला मंजुरी दिली आहे.

केंद्र सरकारकडून दाबोळी विमानतळाकडे दुर्लक्ष होते, दाबोळी विमानतळ बंद करण्याचा डाव आहे, असे आरोप होत असल्याच्या पार्श्वभूमीवर ही माहिती मिळाली आहे.

मिळालेल्या माहितीनुसार, या बॉडी स्कॅनरमुळे प्रवाशांच्या अंगावर नेमक्या कोणत्या वस्तू आहेत, याची माहिती तत्काळ मिळणार आहे. प्रवाशाने शरीरात एखादी गोष्ट लपवली, तरी ती शोधण्याची क्षमता या स्कॅनरमध्ये आहे.