Goa Suicide Case: हडफडे -बार्देश गोवा येथे एका भाड्याच्या खोलीत राहणाऱ्या पतबित्र दास (वय 26, मूळ रहिवासी पश्‍चिम बंगाल) नामक मुलाने राहत्या भाड्याच्या खोलीत गळफास लावून आत्महत्या केल्याची धक्कादायक घटना नुकतीच उघडकीस आली आहे.

सदर मुलगा जेजास दे कोस्‍टा यांच्या मालकीच्या घरात (घर नं 136, हडफडे, बार्देश) भाड्याने राहत असल्याची प्राथमिक माहिती प्राप्त झाली आहे. पतबित्र दास याचा मृतदेह सिलिंग रॉडला साडीने लटकलेल्या अवस्थेत आढळून आला आहे.

त्याच्या सोबत त्याचे कुटुंबीय तेथे वास्तव्याला आहेत का? त्याने आत्महत्या करण्याचे टोकाचे पाऊल का उचलले? सदरची घटना म्हणजे आत्महत्या कि घातपात? या बाबत अद्याप कोणतीही माहिती हाती आली नाही.

दरम्यान म्हापसा अग्निशमन दल तातडीने घटनास्थळी दाखल झाले असून प्राथमिक तपासानंतर मृतदेह हणजुण पोलिसांच्या ताब्यात देण्यात आला आहे. तसेच या घटनेचा पुढील तपास देखील हणजूण पोलीस करणार आहेत

सविस्तर बातमी अपडेट करीत आहोत