वास्को : शुक्रवारी सकाळी वेर्णा औद्योगिक वसाहतीत एका गटारात एक अनोळखी इसम पडला असल्याची माहिती वेर्णा पोलिसांना देण्यात आली.

वेर्णा पोलिसांनी घटनास्थळी धाव घेऊन त्या अनोळखी इसमाला गटारातून वर काढले असता तो मृतावस्थेत आढळला. या मृत व्यक्तीची अजून ओळख पटली नसून वेर्णा पोलिस पुढील तपास करत आहेत. सदर मृतदेह दक्षिण गोवा जिल्हा इस्पितळात ठेवण्यात आला आहे.V

दरम्यान, बागेवाडी, कर्नाटक येथे कार अपघातात पेडणे येथील विशाल संघराज बोंद्रे (34 ) आणि त्यांच्या पत्नी वर्षा बोंद्रे (31) यांचा मृत्यू झाला.

त्यांना ज्या इस्पितळात दाखल केले, तेथे अपुऱ्या सुविधा होत्या. अन्यथा विशाल वाचला असता, अशी खंत विशालचे काका संजय बोंद्रे यांनी व्यक्त केली आहे.