धुळेर म्हापसामधून 'हिट अँड रन' ची घटना समोर आली आहे. धुळेर येथील काउंटो होंडा शोरमजवळ ही धक्कादायक घडली. चारचाकी वाहनाने दुचाकीला मागून धडक दिली. या अपघातात दुचाकी चालकाचा जागीच मृत्यू झाला तर चारचाकी चालक वाहन घेऊन पळाला. या जीवघेण्या अपघातात मुबारक मतियाखान जागीच ठार झाला. चारचाकी वाहनाचा नंबर KA 22 b 5207 असा आहे. तर दुचाकीचा नंबर GA 03 Q 9013 आहे.

दरम्यान, पोलिसांनी घटनास्थळी पोहोचून तपास सुरु केला आहे. पोलिसांनी चारचाकी वाहन चालकाविरुद्ध कलम 281, 105, 106(2) अंतर्गत गुन्हा दाखल केला आहे. राज्यात अपघाताचे सत्र सुरु आहे. सातत्याने अपघाताच्या (Accident) घटना समोर येतायेत. रस्त्यांवरील खड्डे, रस्ते बांधणीचे सरकारचे चुकलेले नियोजन, दारु पिऊन गाडी चालवणे इत्यादी कारणांमुळे अपघातात मृत्यूमुखी पडणाऱ्यांची संख्या दिवसेंदिवस वाढत आहे.

हिट अँड रनचे वाढते प्रमाण

राज्यात मागील काही दिवसांत हिट अँड रनच्या घटना वाढल्याचे दिसून आले. मांडवी पूलावर रेंट कॅबने दिलेल्या धडकेत दुचाकी चालक पुलावरुन नदीत कोसळला. दोन दिवसानंतर नदीत कोसळलेल्या व्यक्तीचा मृतदेह सापडला होता. याप्रकरणी रेंट कार चालकाला अटक करण्यात आली. तसेच, हरमलमध्ये (Harmal) कारच्या दरवाजाची धडक बसल्याने आणि नंतर अंगावरुन ट्रक गेल्याने चुलत भावांचा मृत्यू झाला होता.