Fake Call Centre In Goa: गोव्यात फेक कॉल सेंटरद्वारे अमेरिकेतील नागरिकांची फसवणूक केली जात होती. गोवा गुन्हे शाखेने फेक कॉल सेंटरवर कारवाई करत गुजरात आणि नागालँड येथील सहा जणांना अटक करण्यात आली आहे. चिंचवाडा, चिंबल येथे आज (दि.24) ही कारवाई करण्यात आली.

(Goa Crime Branch arrested six persons, from Gujarat and Nagaland for running a fake call centre racket and duping citizens from the USA)

आकाश पांचोली (28), थ्रेम्हो केचिंगबा (23), सनम रिंग्सा बथरी (23), आनंद सुजीत सेंगयुंग (26), लायरीम मोनमोहन होजाई (19) आणि हेमरिंग सोनाई गिरिसा (22) असे अटक करण्यात आलेल्या संशयित आरोपींची नावे आहेत. सहाही आरोपी अहमदाबाद आणि नागालँड येथील रहिवाशी आहेत.

मिळालेल्या माहितीनुसार, आरोपी चिंचवाडा, चिंबल येथे फेक कॉल सेंटर चावलत होते. गुन्हे शाखेला याबाबत माहिती मिळताच त्यांनी याठिकाणी छापा टाकून सहा जणांना ताब्यात घेतले. संशयित आरोपी, कर्ज आणि वैद्यकीय बिलाच्या नावाखाली अमेरिकन नागरिकांची फसवणूक करत असल्याची माहिती पोलिसांनी दिली आहे.

पोलिसांनी घटनास्थळावरून सहा लॅपटॉप, मोबाईल फोनसह तब्बल दहा लाखांचा मुद्देमाल जप्त केला आहे.