Goa Crime: गोव्यातील सुप्रसिद्ध बीच असलेल्या कळंगुट-बागा परिसरात तीन तरूणांनी दमदाटी केल्याची घटना घडली आहे. बागा येथील सुप्रसिद्ध टिटोज लेने येथे आज, शुक्रवारी पहाटे हा प्रकार घडला.

यात तीन तरूणांनी येथील एका दुकानाचा काचेचा दरवाजा आणि खिडकी काठीने आणि दगड मारून फोडला. तसेच दुकानाबाहेरील दुचाकीचेही नुकासन केले. तसेच दुकानाबाहेर बराच काळ ते आतील लोकांना बाहेर येण्यास सांगत होते.

या सर्व प्रकाराच व्हिडिओ सोशल मीडियात व्हायरल झाला असून अशा लोकांवर तातडीने कारवाई करावी, अशी मागणीही होत आहे.

बराच काळ हा सर्व प्रकार सुरू होता. पण त्यांना तिथे अडवायला कुणीही आले नाही. यातील एका तरूणाच्या हातात मोठा बांबू होता. त्यामुळेही कुणीही त्यांच्या जवळ जायला धजावले नसेल. तरूणाने बांबूने काचेचा दरवाजा फोडला. नंतर दुसऱ्या तरूणाने थेट मोठा दगड आत मारला.

बराच काळ हे तिन्ही तरूण शिवीगाळ करून आतील लोकांना बाहेर येण्यास सांगत होते. हा प्रकार बराच काळ सुरू होता.

पण व्हिडिओ व्हायरल झाल्यावर मात्र त्यावर संतप्त प्रतिक्रिया उमटत आहेत. पोलिसांनी यात तातडीने लक्ष देऊन दोषींवर कारवाई करावी, अशी मागणी केली जात आहे.