डिचोली: सार्वजनिक बांधकाम खात्याच्या पाणी पुरवठा विभागात कंत्राटी पध्दतीवर काम करणाऱ्या कामगारांना अखेर थकीत वेतन मिळाले आहे. सार्वजनिक बांधकाम खात्याच्या पाणी पुरवठा विभागात मिटर रिडर मिळून अनेक कामगार मागील काही वर्षापासून कंत्राटी पध्दतीवर काम करीत आहेत.

मात्र "कोविड" संकटामुळे मागील चार ते पाच महिन्यांपासून वेतनाच्या प्रतीक्षेत होते. या पार्श्वभूमीवर मागील महिन्यात मजदूर संघाचे गोवा प्रदेश महामंत्री कृष्णा पळ यांच्यासमवेत या कामगारांनी साखळी येथे रवींद्र भवनात मुख्यमंत्री डॉ. सावंत यांची भेट घेवून थकीत वेतनाचा प्रश्‍न त्यांच्यासमोर मांडला होता. त्यावेळी मुख्यमंत्र्यांनी सकारात्मक प्रतिसाद देताना वेतन देण्याचे आश्वासन या कामगारांना दिले होते.