पणजी : गोवा काँग्रेस प्रदेशाध्यक्ष गिरीश चोडणकर कोरोना पॉझिटिव्ह आले आहेत. कोरोनाची सौम्य लक्षणे आढळल्याने त्यांनी आपली कोरोना चाचणी करुन घेतली जी पॉझिटिव्ह आली आहे. यानंतर चोडणकर अलगीकरणात गेले आहेत. (Girish Chodankar Corona positive Latest News in marathi

गोव्यात (Goa) सध्या विधानसभा निवडणुका जाहीर झाल्या आहेत. त्यातच काँग्रेसचे दिग्गज नेते गेल्या काही दिवसांपासून गोव्यात ठाण मांडून आहेत. काँग्रेसकडून भाजपविरोधात (BJP) जोरदार प्रचार सुरु आहे. यातच काँग्रेस प्रदेशाध्यक्ष गिरीश चोडणकर यांचा कोरोना अहवाल पॉझिटिव्ह आल्याने काँग्रेसच्या गोटात खळबळ उडाली आहे.

प्रचारादरम्यान गिरीश चोडणकर अनेकांच्या संपर्कात आले होते. त्यामुळे चोडणकर यांनी आपल्या संपर्कात आलेल्यांना कोरोना चाचणी करण्याचा सल्ला दिला आहे. दरम्यान याचा काँग्रेसच्या (Congress) प्रचारावरही परिणाम होण्याची शक्यता आहे.