Goa Municipality: फोंडा पालिकेने वाढवलेल्या निवासी व व्यावसायिक करावरून फोंड्यातील काँग्रेस पक्षाने फोंडा पालिकेवर टीका केली आहे. फोंड्यात काल शनिवारी झालेल्या या पत्रकार परिषदेत काँग्रेसचे फोंड्यातील नेते राजेश वेरेकर, फोंडा पालिकेचे काँग्रेस समर्थक नगरसेवक विलियम आगियार, माजी सरपंच जॉन परेरा तसेच सर्फराज ख्वाजा आदी काँग्रेसचे पदाधिकारी उपस्थित होते.

राजेश वेरेकर म्हणाले, फोंडा पालिकेने केलेली व्यावसायिक करवाढ अन्याय्यकारक आहे. टप्प्याटप्प्याने ही करवाढ केली असती तर चालले असते, पण एकदम करवाढ करून सर्वसामान्यांवर हा कराचा बोजा टाकण्यात आला आहे.

नगरसेवक विलियम आगियार म्हणाले, करवाढ केल्याने आपण त्याला विरोध केला. गोवा फॉरवॉर्डचे उपाध्यक्ष दुर्गादास कामत यांनीही फोंडा पालिकेची करवाढ अन्याय्यकारक असून ती त्वरित रद्द करावी, अशी मागणी केली आहे.