मुख्यमंत्र्यांच्या अल्तीन्हो येथील निवासस्थानाबाहेर आंदोलन करणाऱ्या कॉंग्रेसच्या (Congress) नेत्यांना व कार्यकर्त्यांना पणजी पोलिसांनी (Goa Police)आज अटक केली. पहाटेपर्यंत अल्पवयीन मुलींनी समुद्र किनाऱ्यावर राहण्याच्या प्रकरणी पालकांनी आपल्या अशा मुलांची काळजी करावी व जबाबदारी पार पाडावी असे जे वक्तव्य विधानसभेत केले होते त्याचा निषेध आज प्रदेश कॉंग्रेस समितीने केला.

गोव्याचे मुख्यमंत्री प्रमोद सावंत यांनी बलात्काराच्या मुद्यावरून केलेल्या विधानामुळे वातावरण तापलेले पहायला मिळाले. "किशोरवयीन मुलांच्या पालकांनी त्यांचे मुलं गोवा बीच वर अंधाऱ्या रात्री काय करतात याचे परिक्षण केले पाहिजे, मुली रात्री समुद्रकिनाऱ्यावर काय करतात हे बघितले पाहिजे" असे भंपक विधान गोव्यासारख्या आधूनिक आणि सुशिक्षित राज्याच्या मुख्यमंत्र्यानी काल केले होते. या विधानानंतर त्यांच्यावर जोरदार टीका झाल्याचे देखील पहायला मिळाले आहे.