Goa CM Pramod Sawant Pledge Organ Donation: गोव्याचे मुख्यमंत्री प्रमोद सावंत यांनी मरणोत्तर अवयवदानाची शपथ घेतली आहे. मुख्यमंत्री सावंत मरणोत्तर किडनी, लिव्हर आणि कॉर्निया दान करणार आहेत.

नाटोच्या संकेतस्थळावर त्यांनी आज (दि. 28) ऑनलाईन नोंदणी केली.

भारतीय जनता पक्षाच्या वतीने राज्यात अवयव दानाची मोहीम सुरु करण्यात आली आहे. अवयव दानाला प्रोत्साहन देणे हा या मोहीमेचा उद्देश आहे. यावेळी मुख्यमंत्री सावंत यांनी अवयवदानात किडनी आणि लिव्हर दान करण्याची शपथ घेतली. तर, पक्षाच्या इतर नेत्यांनी देखील अवयव दानाची शपथ घेतली.

सरकार अवयव प्रत्यारोपण दिनदयाळ स्वास्थ सेवा योजनेंतर्गत घेण्यासाठी प्रयत्नशील आहे. तसेच, लवकरच गोमेकॉत ह्रदय आणि किडनी प्रत्यारोपण करण्याची सुविधा सुरु होईल अशी ग्वाही देखील मुख्यमंत्री सावंत यांनी यावेळी दिली.