गोव्याचे मुख्यमंत्री प्रमोद सावंत आणि इतरांनी आज (शनिवार) छत्रपती शिवाजी महाराज जयंतीनिमित्त शिवाजी महाराजांना फर्मागुडी आणि फोंडा येथे आदरांजली वाहिली. छत्रपती शिवाजी महाराज जयंतीनिमित्त शिवनेरी किल्ल्यावर जन्मसोहळा साजरा झाला.

जयंतीनिमित्त पंतप्रधान नरेंद्र मोदी (Narendra Modi) यांनी छत्रपती शिवाजी महाराजांना आदरांजली वाहिली. याबाबत मोदी यांनी ट्वीट केले. ट्वीटमध्ये ते लिहितात “छत्रपती शिवाजी महाराजांच्या जयंतीनिमित्त मी त्यांना नमन करतो. त्यांचे सर्वोत्कृष्ट नेतृत्व आणि समाज कल्याणासाठीचा आग्रह अनेक पिढ्यांसाठी प्रेरक ठरला आहे .सत्य आणि न्याय या मूल्यांशी त्यांनी तडजोड केली नाही. त्यांची स्वप्ने पूर्ण करण्यासाठी आम्ही कटिबद्ध आहोत.”