37 th National Games Goa 2023: मुख्यमंत्री प्रमोद सावंत यांच्या हस्ते गोव्यात होणाऱ्या 37 व्या राष्ट्रीय स्पर्धेच्या मशाल रिलेचा शुभारंभ करण्यात आला.

मुख्यमंत्री डॉ. सावंत यांच्यासह क्रीडा मंत्री गोविंद गावडे आणि इतर मान्यवरांसमवेत मंगळवारी सकाळी पर्वरी येथे मशाल रिलेला प्रारंभ झाला.

गोव्यात 26 ऑक्टोबर ते 9 नोव्हेंबर या कालावधीत 37 राष्ट्रीय क्रीडा स्पर्धेचे आयोजन करण्यात आले असून, यासाठी मंगळवारपासून अधिकृत काउंटडाउन सुरु झाले आहे.

मशाल रॅली राष्ट्रीय खेळांसाठी एक पारंपारिक पूर्वसूचना असून, देशभरातील खेळाडूंसाठी एकता आणि खिलाडुवृत्तीचे प्रतीक आहे. रिले यजमान राज्याच्या विविध बारा तालुक्यातून प्रवास करत, शेवटी क्रीडा स्पर्धेच्या उद्घाटन समारंभावेळी औपचारिक रोषणाई केली जाईल.