Goa News: मुख्यमंत्री प्रमोद सावंत यांनी बालभवनद्वारे आयोजित बालदिन कार्यक्रमात सहभाग घेतला. मुलांसोबत सेल्फी घेतला, त्यांच्या नृत्यात सहभाग घेतला. पालक आणि बालकांशी संवाद साधताना मुख्यमंत्री म्हणाले, आपल्याला कामाच्या व्यस्ततेमुळे वेळ देता येत नाही, मात्र तुम्ही मुलांना वेळ द्या.

52 बालभवन केंद्रांद्वारे विविध प्रकारचे उपक्रम राबविले जातात. ज्यात हस्तकला, मातीकाम, चित्रकला, हार्मोनियम संगीत अशा विविध कलांचे ज्ञान 5 ते 16 वर्षांच्या मुलांना देण्यात येते. त्यामुळे पालकांना मी आवाहन करतो, की आपल्या जवळच्या बालभवन केंद्रात आपल्या पाल्यांना प्रवेश द्यावा.

बालभवनातील शिक्षक मुलांना केवळ कलाच शिकवत नाहीत, तर बालमनावर सुसंस्कार करण्याचे काम देखील येथील केले जातात.

विद्यार्थ्यांना ज्यांना संगीतातील बालगंधर्व परीक्षा द्यायची असते, त्यासाठीचे बालभवन हे केंद्र असते, तसेच 300 ते 350 विद्यार्थी ही परीक्षा बालभवन केंद्रातून देतात. बालभवनद्वारे जो बालोत्सव साजरा केला जातो.

8 ते 10 लाख महसूल

बालभवनात येणाऱ्या विद्यार्थ्यांद्वारे हस्तकला, ग्रिटींग कार्ड, व विविध शिल्पे तयार केली जातात यामधून सुमारे 8 ते 10 लाख रूपयांचा महसूल गोळा केला जातो. त्यामुळे गोव्यातील नागरिकांनी आपल्याला हवी असलेली शिल्पे, कार्डस इ. बालभवन केंद्रातून द्यावी जेणेकरून बालभवनचा महसूलात अधिक वाढ होईल.