CM Pramod Sawant गोव्याचा मुख्यमंत्री या नात्याने मला वेगवेगळ्या कामांसाठी वारंवार दिल्लीला जावे लागते. मी आंतरराष्ट्रीय ‘डॉक्टर्स डे’ कार्यक्रमासाठी दिल्लीला गेलो होतो. मी पक्षाच्या नेत्यांचीही भेट घेतलीआमोणकर यांच्या वाढदिवसानिमित्त कार्यकर्त्यांना त्यांच्याकडून अपेक्षा असतील त्या लवकरच पूर्ण होतील.

सध्या मंत्रिमंडळात फेरबदल झालेला नाही, पण येत्या काही दिवसांत तो नक्कीच होईल, असे मुख्यमंत्री डॉ. प्रमोद सावंत यांनी सांगितले.

मुरगावचे आमदार संकल्प आमोणकर यांच्या वाढदिनानिमित्त त्यांना शुभेच्छा देण्यासाठी मुख्यमंत्री गेले असता त्यांना पत्रकारांना विचारलेल्या प्रश्नाला त्यांनी वरील उत्तर दिले.

यावेळी मुख्यमंत्री आमोणकर यांना शुभेच्छा देऊन गेल्यानंतर प्रदेशाध्यक्ष सदानंद शेट तानावडे, मंत्री सुभाष शिरोडकर, आमदार आलेक्स सिक्वेरा, केदार नाईक, कृष्णा साळकर, आंतोन वाझ, नगरसेविका श्रद्धा आमोणकर यांनी मुरगावचे आमदार संकल्प आमोणकर यांना वाढदिवसाच्या शुभेच्छा दिल्या.

मंत्र्यांची उपस्थिती हीच माझ्यासाठी भेट

माझ्या समर्थकांची मला मोठ्या स्तरावर पाहण्याची इच्छा असणे स्वाभाविक आहे, परंतु माझ्या वाढदिवशी भाजप पक्षाचे नेते, आमदार आणि मंत्री मोठ्या संख्येने उपस्थित राहिले हीच मला वाढदिवसाची मोठी भेट मिळाली आहे.

मुसळधार पाऊस असूनही दिवसभर शुभेच्छा देण्यासाठी आमोणकर यांनी आपल्या कार्यकर्त्यांचे आणि हितचिंतकांचे आभार मानले.