Goa News: काणकोण येथील सुमारे 1800 विद्यार्थ्यांना, 1 ऑक्टोबरपासून माध्यान्ह आहार सुविधेपासून वंचित ठेवल्याने, आम आदमी पक्षाने भाजप सरकारवर जोरदार टीका केली. सरकारने ही समस्या सोडवली नाही, तर बेमुदत उपोषणाचा इशारा आम आदमी पक्षाने दिला आहे. ‘आप’ च्या नेत्यांनी शुक्रवारी शिक्षण संचालनालयासमोर निदर्शने केली.

माध्यान्ह आहार न मिळालेल्या 1800 विद्यार्थ्यांना अन्न सुरक्षा भत्ता द्यावा, तसेच या संदर्भात योग्य ती कारवाई करावी, अशी मागणी ‘आप’ ने शिक्षण संचालनालयाकडे केली आहे. माध्यान्ह आहारचे दर वाढवण्याच्या प्रस्तावावर प्रश्नचिन्ह उपस्थित केल्याबद्दल, ‘आप’चे प्रदेशाध्यक्ष ॲड. अमित पालेकर यांनी वित्त खात्यावर टीका केली.

Goa Railway: ऐन दिवाळीत आरक्षित तिकिटांवर दलालांचा डल्ला!तक्रारींसाठी हेल्पलाईन

माध्यान्ह आहार सुविधेबद्दल तक्रारी नोंदवण्यासाठी पालकांसाठी एक हेल्पलाईन क्रमांक सुरू करणार असल्याचे पक्षाने जाहीर केले. मुलांना पौष्टिक आहार मिळत नसल्यास, पालकांनी या हेल्पलाईन क्रमांकावर फोन करून त्यांची तक्रार दाखल करावी, असे आवाहन ‘आप’ युवा शाखेच्या राष्ट्रीय उपाध्यक्ष सेसिल रॉड्रिग्स यांनी केले.