सासष्टी: राज्य निवडणूक आयोगाने काही वर्तमानपत्रांमध्ये जाहिरातीद्वारे ग्रामपंचायत निवडणूक 2022 संदर्भात ग्रामपंचायत प्रभाग सीमा निर्धारण प्रक्रियेविषयी माहिती प्रसिद्ध केली आहे. मात्र, ‘गोवा कॅन’ संस्थेने या प्रक्रियेला आक्षेप घेतला असून काही सूचनाही केल्या आहेत. निवडणूक आयोगाने ही प्रक्रिया लोकांना विश्र्वासात घेऊन पूर्ण करावी. आयोगाने दुरुस्ती व सुचनांसाठी 24 फेब्रुवारी ते 2 मार्चपर्यंत मुदत दिली आहे.

प्रत्यक्षात या दिवसांत लोक कार्निव्हल मूडमध्ये असल्याने व जाहिरात 25 रोजी प्रसिद्ध झाल्याने लोकांना केवळ सहा दिवसांचा कालावधी मिळतो. आयोगाने ही मुदत वाढवून कामकाजाचे दहा दिवस करावेत. तसेच सूचनांसाठी आणखी दहा दिवस द्यावेत, अशी मागणी त्यांनी केली आहे. 186 पंचायत क्षेत्रातील लोकांना शहरातील या कचेऱ्यांमध्ये मसुदा पाहणे कठीण होणार आहे.