Goa Board HSSC Admit Card 2024: गोवा माध्यमिक आणि उच्च माध्यमिक शिक्षण मंडळ (GBSHSE) ने गोवा बोर्ड 12 वी परीक्षा प्रवेशपत्र डाऊनलोड करण्यासाठी उपलब्ध केले आहे.

गोवा 12 वी बोर्डाची परीक्षा 28 फेब्रुवारी ते 18 मार्च 2024 या कालावधीत होणार आहे. बोर्डाने त्यांच्या अधिकृत वेबसाइट gbshse.in वर HSSC परीक्षेच्या प्रवेशपत्राची डाउनलोड लिंक सक्रिय केली आहे.

विद्यार्थ्यांना त्यांची प्रवेशपत्र संबंधित शाळांमधून मिळतील, हॉल तिकीट मिळवण्यासाठी त्यांना संबधित शिक्षक आणि शाळा अधिकाऱ्यांशी संपर्क साधावा लागेल.

तसेच, हॉल तिकीट डाउनलोड करण्यासाठी GBSHSE च्या अधिकृत वेबसाइटला भेट देता येईल.

विद्यार्थ्यांनी गोवा बोर्ड HSC ॲडमिट कार्ड 2024 वर दिलेल्या सर्व तपशीलांचे पुनरावलोकन करणे अनिवार्य आहे. कोणत्याही प्रकारची तफावत किंवा त्रुटी लक्षात आल्यास, विद्यार्थ्यांनी तत्काळ शाळेच्या अधिकाऱ्यांना समस्येचे निराकरण करण्यासाठी कळवावे.

विद्यार्थ्यांनी त्यांचे प्रवेशपत्र परीक्षा केंद्रात सोबत नेणे आवश्यक आहे. त्याशिवाय विद्यार्थ्यांना परीक्षेला बसू दिले जाणार नाही.

अशा पद्धतीने डाउनलोड करा हॉल तिकीट

- बोर्डाच्या अधिकृत वेबसाइट म्हणजे gbshse.in ला भेट द्या

- होमपेजवर Goa Board Class 12th Admit Card 2024 या लिंकवर क्लिक करा.

- स्क्रीनवर एक नवीन पृष्ठ दिसेल.

- यात आवश्यक लॉगिन माहिती प्रविष्ट करा आणि सबमिट करा वर क्लिक करा.

- गोवा बोर्ड HSC प्रवेशपत्र 2024 स्क्रीनवर दिसेल.

- प्रवेशपत्र डाउनलोड करा.