सांगे: आठ महिन्यांनंतर परत एकदा जिल्हा पंचायत निवडणूक धुरळा उडण्यास सुरवात झाली असून सत्ताधारी भाजप आणि काँग्रेस पक्ष जोमात आहे. निवडणूक जाहीर न होताच भाजप सभा घेऊन वातावरण निर्माण करू लागला आहे. त्या पाठोपाठ काँग्रेस पक्ष या ना त्या कारणाने लोकांसमोर जात आहे. त्या मानाने अन्य पक्षाचे उमेदवार निवडणूक आयोग मतदानाची तारीख जाहीर करणार म्हणून प्रतीक्षा करत राहिले. गेल्या आठ महिन्यांनंतर मतदारांना किमान आठवण करण्यासाठी एकदा तरी भेट देण्यासाठी उमेदवार कमी पडला तरीही गेल्या प्रचारात किती काम केले होते आणि किती खिरापत वाटली यांची मोजदाद आता उपयोगी येणार नाही. आठ महिन्यानंतर गेल्या वेळेचा विचार आणि प्रचार मतदार विसरून गेले आहे. आता नव्याने प्रचार करायला ना सवड नाही माया अशी काही उमेदवारांची परिस्थिती झाली आहे. 

रिवण मतदारसंघ जिल्हा पंचायत निवडणुकीत आजच्या घडीला भाजप उमेदवार सुरेश केपेकर आणी काँग्रेस पक्षाचे अभिजित देसाई या दोघा उमेदवारांचा चांगला प्रचार झाला आहे. रिवण मतदारसंघात या दोन्हीही राजकीय पक्षाचे काम आहे, पारंपरिक आपापले मतदार आहेत. अन्य उमेदवार अजूनही आपला प्रभाव निर्माण करू शकले नाहीत. खरी लढत होणार ती भाजप, काँग्रेस आणि अपक्ष उमेदवार गजानन रायकर यांच्यात. या तिरंगी लढतीत कोण बाजी मारणार हे मतदान झाल्यानंतरच स्पष्ट होणार आहे.

आणखी वाचा:

• गोव्यातील विरोधी पक्षांचा आजच्या भारत बंदला पाठिंबा ; सरकारविरोधात शक्तीप्रदर्शन करणार -
• भाजप सरकारमध्ये हिंमत असेल, तर वाळपईतील सभा बंद करून दाखवा: आमदार राघव चढ्ढा यांचे आव्हान -