डिचोली: डिचोली येथील सारमानस फेरीधक्क्यावर (Sarmanas Ferry Point) एक धक्कादायक दुर्घटना घडली. येथे चालकाचे नियंत्रण सुटल्याने एक कार (Car) थेट पाण्यात बुडाली. मात्र, सुदैवाने वेळीच मदत मिळाल्याने कारमधील चालकाचा जीव वाचला. या घटनेचा व्हिडिओ सोशल मीडियावर वेगाने व्हायरल होत आहे.
मिळालेल्या प्राथमिक माहितीनुसार, चालक आपले वाहन फेरी धक्क्याजवळ घेत असताना, नेमके कशा कारणाने नियंत्रण सुटले हे अद्याप स्पष्ट झालेले नाही. नियंत्रण सुटल्यामुळे कार धक्क्यावरुन घसरली आणि ती पाण्यात बुडाली.
कार पाण्यात पडल्याचे लक्षात येताच, जवळ असलेल्या स्थानिक नागरिक आणि तरुणांनी कोणतीही भीती न बाळगता त्वरित पाण्यात उडी घेतली. या जागरुक नागरिकांच्या मदतीमुळे कारमधील चालकाला सुरक्षितपणे बाहेर काढण्यात यश आले. या अपघातात चालकाला कोणतीही गंभीर दुखापत झाली नाही, ज्यामुळे मोठा अनर्थ टळला.
घटनेची माहिती मिळताच डिचोली पोलीस आणि अग्निशमन दलाचे जवान तातडीने घटनास्थळी दाखल झाले. सध्या पाण्यात बुडालेली मोटारगाडी बाहेर काढण्याचे प्रयत्न युद्धपातळीवर सुरु आहेत. कार काढण्यासाठी आवश्यक साधने आणि मनुष्यबळ वापरले जात आहे. पोलीस या घटनेची अधिक चौकशी करत आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.