Goa: डिचोली पोलिसांतर्फे (Bicholim Police) आयोजित रांगोळी स्पर्धेचा (Rangoli Competition ) निकाल जाहीर करण्यात आला असून, या स्पर्धेत भूमेश नाईक यांनी प्रथम क्रमांक पटकावला. त्यांनी रेखाटलेल्या रांगोळीला प्रथम क्रमांकाचे रोख 5 हजार रुपये आणि चषक प्राप्त झाला. गणेशोत्सवानिमित्त अकराव्या दिवशी आयोजित केलेल्या या स्पर्धेला उत्स्फूर्त प्रतिसाद मिळाला.

स्पर्धेतील रोख 3 हजार रुपयांचे दुसरे बक्षीस प्रताप गोवेकर यांच्या रांगोळीला तर तृतीय क्रमांकाचे रोख 2 हजार रुपयांचे बक्षीस अधीक्षा वायंगणकर हिने रेखाटलेल्या रांगोळीला प्राप्त झाले. अर्जुन नाईक आणि मुकुंद मळगावकर यांच्या रांगोळींना उत्तेजनार्थ बक्षीस प्राप्त झाले. रेश्मा शेख हिच्या रांगोळीची खास बक्षिसासाठी निवड करण्यात आली. प्रियदर्शन साळगावकर, योगेश कवठणकर आणि उमेश तेली यांनी या स्पर्धेचे परीक्षण केले. रांगोळी स्पर्धा यशस्वी करण्यासाठी पोलिस निरीक्षक महेश गडेकर यांच्या मार्गदर्शनाखाली पोलिस कर्मचाऱ्यांनी मेहनत घेतली.