गोवा (Goa) बॅडमिंटन संघटनेने फोंडा शटलर्स व गोवा क्रीडा प्राधिकरणाच्या सहकार्याने नावेली, मडगाव व फोंडा येथील आरसीसी बॅडमिंटन प्रशिक्षणार्थींसाठी मार्गदर्शन फोंडा इनडोअर स्टेडियममध्ये शिबिर पार पडले. त्यात 8 ते 14 वयोगटातील 50 प्रशिक्षणार्थींनी भाग घेतला. शर्मद महाजन यांनी धनंजय सिरसाट व अनुप कुशवाह यांच्या सहकार्याने शिबिरात नवोदितांना मार्गदर्शन केले. (Goa: Badminton training section Ponda)

गोव्यात बॅडमिंटनमधील गुणवत्ता अफाट आहे. अशाप्रकराची आणखी शिबिरे घेण्यासाठी प्रयत्न असतील, असे फोंडा शटलर्सचे सदस्य आणि शिबिर समन्वयक गुरू खांडेपारकर यांनी सांगितले. अभिनव उपक्रमासाठी पुढे आल्याबद्दल गोवा बॅडमिंटन

संघटनेचे सचिव संदीप हेबळे यांनी फोंडा शटलर्सचे कौतुक केले. राज्यातील इतर बॅडमिंटन क्लबच्या सहकार्याने अशाप्रकारचे शिबिर घेण्याचे नियोजन असल्याची माहिती हेबळे यांनी दिली.