Goa: काणकोणात घरघुती गणेशोत्सवात वैशिष्ट्य पूर्ण देखावे व माटोळीची आरास गणेश भक्तांनी केली आहे. त्यामध्ये इंद्रावाडा- गावडोंगरी येथील पाडकर कुटुंबियांनी किल्ल्याचा देखावा केला आहे.तर गणेश मुर्ती छत्रपती शिवाजींची प्रतिकृती आहे.

त्याशिवाय केल्याच्या पार्श्वभागावर दोन्ही बाजूला दोन तोफांच्या प्रतिकृती ठेवण्यात आलेल्या आहेत.माटोळीत फळफळावळी बरोबरच वेगवेगळ्या भाज्याचा उपयोग करून आरास करण्यात आली आहे. माटोळीला १०८ नग बांधण्यात आले आहेत. दरवर्षी पाडकर परिवार वेगवेगळे देखावे गणेशोत्सवात सादर करतात. गेल्या वर्षी त्यांनी करोनाचा विषय घेऊन देखावा निर्माण केला होता.

मोखर्ड येथील शिरिष पै कुटूंबियांची वैशिष्ट्य पूर्ण माटोळी

मोखर्ड येथील शिरिष पै कुटूंबियानी यंदा वेगवेगळ्या २०३ फळाफुलांची आरस करून माटोळी सजविली आहे.माटोळीसाठी व गणेश देखाव्यासाठी कोणत्याच प्रकारच्या कृत्रिम साहित्याचा वापर त्यांनी केला नाही. पर्यावरणपूरक माटोळी निर्माण करण्याची त्यांची परंपरा आहे.कला संस्कृती खात्यातर्फे आयोजित माटोळी सजावट स्पर्धेत त्यांनी राज्यस्तरावर बक्षिसे पटकावली आहेत.त्याचा गणेशोत्सव सात दिवसांचा आहे.