Goa Assembly Session | Yuri Alemao  Dainik Gomantak
गोवा

Goa Assembly Monsoon Session: प्रशासन कोलमडल्यानेच ‘सरकार तुमच्या दारी’; खर्चही अनाठायी- युरी आलेमाव

महाराजे झाल्याचा सरकारला भास : एल्टन डिकॉस्ता

गोमन्तक डिजिटल टीम

Goa Assembly Monsoon Session 2023: प्रशासन कोलमडल्यामुळेच भाजप सरकारला ‘सरकार तुमच्या दारी’सारखे उपक्रम राबवावे लागले.

त्यालाही शंभरेकजणच उपस्थित राहिल्याने जनतेचा या सरकारवर विश्वास राहिला नसल्याची टीका विरोधी पक्षनेते युरी आलेमाव यांनी विधानसभेत केली.

त्यांनी एका अतारांकित प्रश्नाच्या उत्तराचा हवाला देत यावर १२ कोटी रुपये खर्च केल्याचा आरोप केला.

मात्र, मुख्यमंत्री डॉ. प्रमोद सावंत यांनी यावर दोन कोटी रुपयेच खर्च केल्याचे नमूद केले. १२ कोटी रुपयांची आर्थिक तरतूद होती, असेही ते म्हणाले.

याविषयीचा मूळ प्रश्न आमदार एल्टन डिकॉस्ता यांनी विचारला होता. ते म्हणाले, पूर्वी राजे-महाराजे दरबार भरवत होते.

आता सरकारला आपण महाराजे आहोत, असे वाटते का? कारण आता सरकार जनता दरबार भरवू लागले आहे.

असे करताना उत्तर गोव्यात १९ हजार ६२१ रुपये तर दक्षिण गोव्यात ८६ हजार १०५ रुपये खर्च केले. ही तफावत का? प्रशासन काम करत नाही म्हणून तालुका पातळीवर असे कार्यक्रम आयोजित करण्याची वेळ आली का? जनता दरबारात मांडलेले प्रश्न सुटलेले नाहीत, याची दोन उदाहरणे माझ्याकडे आहेत.

ध्वनी प्रदूषण व कार्यालय स्थलांतर असे ते विषय आहेत. त्यावर मुख्यमंत्री म्हणाले, काम करणाऱ्यांकडूनच अपेक्षा ठेवली जाते.

दोन महिन्यांत जनता दरबारात मांडलेले प्रश्न सुटतील. ध्वनी प्रदूषण मापन यंत्रे घेतली आहेत तर कार्यालय स्थलांतराची पूर्वतयारी सुरू आहे.

आलेमाव यांनी उत्तर व दक्षिण गोव्यात जनता दरबारासाठी अनुक्रमे केवळ १६८ व १०४ जणच उपस्थित होते याकडे लक्ष वेधून विचारले, की ‘सरकार तुमच्या दारी’ कार्यक्रमांच्या खर्चाला कार्योत्तर मंजुरी प्रत्येकवेळी घेण्यात आली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Damu Naik: काही नेत्यांना ‘प्रसिद्धी स्टंट’ची सवय! दामूंचा भाजप आमदारांना घरचा आहेर; लोबोंवरही निशाणा

Vijai Sardesai: MPA ची दादागिरी, प्रदूषण वाढलेय! विजय सरदेसाईंचा आरोप; ‘जनता दरबार’मध्ये ऐकल्या समस्या

Goa Politics: खरी कुजबुज; पोलिसांचे फोन टॅपिंग?

GST Council: ‘एक देश एक कर’ला बळकटी देणे गरजेचे! दिल्लीत ‘जीएसटी’ परिषदेच्या बैठकीत CM सावंतांचे प्रतिपादन

Goa Liquor Smuggling: गोव्यातून गुजरातला दारुतस्करी! 1.43 कोटींचा मद्यसाठा जप्त; पिसुर्लेतील डिस्टिलरी सील, 9 जण अटकेत

SCROLL FOR NEXT