Goa Agriculture: नवे तंत्रज्ञान वापरून नारळाचे उत्पादन वाढविण्याबरोबरच नारळाच्या अन्य भागापासून कसा जोड धंदा करता येईल, यावर नारळ बागायतदारांनी लक्ष केंद्रीत करण्याची गरज आहे, असे मत सभापती रमेश तवडकर यांनी बड्डे- खोतीगाव येथे व्यक्त केले. कृषी खाते तसेच नारळ विकास मंडळाच्या संयुक्त विद्यमाने आयोजित कार्यशाळेत प्रमुख पाहुणे म्हणून बोलत होते.

केरळ सारख्या राज्याने अत्याधुनिक तंत्रज्ञानाद्वारे नारळाचे उत्पन्न वाढवले आहे, त्याच अनुषंगाने गोवा सरकार कार्यरत आहे, असे सभापतीनी सांगितले.यावेळी कृषी उपसंचालक संदीप फळदेसाई , विभागीय कृषी अधिकारी कीर्तीराज नाईक गावकर, सहसंचालक जेनीस अल्फान्सो, कार्यक्रमाचे संयोजक गिरीश केंकरें,खोतीगावचे सरपंच आनंदु देसाई,उपसरपंच पूनम गावकर, पंच शर्मिला गावकर, वृंदा वेळीप , कृष्णा गावकर , जयेश गावकर तसेच ग्रामस्थ उपस्थित होते.

या वेळी सभापतींच्या हस्ते माडावर चढण्याच्या यंत्राचे वितरण करण्यात आले. सूत्रसंचालन सुप्रिया गावकर यांनी केले.