Goa Accident News  Dainik Gomantak
गोवा

Goa Accident: 'रेंट अ कॅब' थार कारची दुचाकीला धडक; भाऊ-बहीण गंभीर जखमी, कारचालक फरार

Brother sister injured Goa accident: अपघातात दुचाकीवरील दोघेही भावंडे गंभीर जखमी झाली. तसेच त्यांच्या अॅक्टिव्हा दुचाकीचे मोठ्या प्रमाणात आर्थिक नुकसान झाले.

गोमंतक ऑनलाईन टीम

म्हापसा: पर्रा-बार्देश येथे पर्यटक चालवत असलेल्या 'रेंट अ कॅब'ची दुचाकीला जोरदार धडक बसल्याने भाऊ-बहीण गंभीर जखमी झाली. या दोघांवर सध्या गोमेकॉत उपचार सुरू आहेत.

जखमींमध्ये रेवोडा येथील १३ वर्षीय नरेंद्र चव्हाण व २१ वर्षीय निकिता चव्हाण हिचा समावेश आहे. भाऊ हा शाळेला जात होता तर बहीण बागा येथे कामाला जात होती. अपघातानंतर कारचालकाने गाडीसह पळ काढला.

उपलब्ध माहितीनुसार, हा अपघात आज सोमवारी (ता. १७) सकाळी घडला. कळंगुट हून पर्राच्या दिशेने वेगाने येणाऱ्या 'रेंट अ कॅब' असलेल्या थार कारची जोरदार धडक म्हापशाहून कळंगुटच्या दिशेने जाणाऱ्या दुचाकीला बसली.

यात दुचाकीवरील दोघेही भावंडे गंभीर जखमी झाली. तसेच त्यांच्या अॅक्टिव्हा दुचाकीचे मोठ्या प्रमाणात आर्थिक नुकसान झाले. लोकांच्या मदतीने जखमींना रुग्णवाहिकेतून आधी म्हापसा येथील जिल्हा इस्पितळात, नंतर गोमेकॉत नेण्यात आले

दरम्यान, अपघातस्थळावरुन पळ काढलेली कारगाडी ही मोपा विमानतळाजवळील रस्त्यालगत आढळली. पोलिसांनी ती आपल्या ताब्यात घेऊन म्हापसा पोलिस स्थानकावर आणली.

पोलिस कारचालकाचा शोध घेत आहेत. संशयित कारचालक हा पर्यटक असून, त्याने ही गाडी कळंगुट येथून भाड्याने घेतली होती, असे पोलिस सूत्रांनी सांगितले.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

India vs Pakistan: पुन्हा एकदा रंगणार भारत-पाक महामुकाबला! हिसाब चुकता करण्यास टीम इंडिया सज्ज; हाय-व्होल्टेज लढतीकडे क्रिकेटप्रेमींचं लक्ष

मांद्रेत आरोलकरांना मुख्यमंत्र्यांकडून बळ, विकासकामांचं केलं तोंडभरुन कौतुक; 2027 मध्ये जीत पुन्हा विक्रमी मतांनी निवडून येतील

VIDEO: पाकड्यांनी पुन्हा कॉपी केला भारतीय शो! समय रैनाच्या 'इंडियाज गॉट लेटेंट'नंतर आता 'पाकिस्तान गॉट लेटेंट'ची चर्चा; राखी सावंतच्या एन्ट्रीनं वेधलं लक्ष

Goa Water Crisis: 'जल है तो कल है'! यंदाच्या अपुऱ्या पावसामुळे गोव्यात पाणीटंचाईचे गडद संकट

Uttar Pradesh Assembly Election 2027: उत्तर प्रदेश निवडणुकीत भाजप विरुद्ध भाजप, राममंदिर, राष्ट्रवाद आणि हिंदुत्वाचे मुद्दे झाले जुने; योगी आदित्यनाथ यांची अग्निपरिक्षा

SCROLL FOR NEXT