Goa Accident: गोव्याची राजधानी पणजीत दिवजा सर्कल येथे आज, रविवारी दुपारी एका बसने दुचाकीला धडक दिली. या अपघातात दुचाकीस्वार महिला गंभीर जखमी झाल्याचे समजते. तिला उपचारासाठी दवाखान्यात दाखल करण्यात आले आहे. दरम्यान, या अपघातानंतर येथे काही काळ वाहतूक विस्कळीत झाली होती.

दिवजा सर्कल हा एक रहदारीचा चौक आहे. येथे नेहमी वर्दळ असते. त्यात रविवार असल्याने पर्यटकांच्या वाहनांचीही संख्या मोठी होती. अशातच दुपारी हा अपघात झाला. यात दुचाकीचे मोठे नुकसान झाले आहे. बस चालकाला अंदाज न आल्याने हा अपघात झाल्याचे सांगितले जात आहे.