Banastari Bridge Accident: मागील काही दिवसात अपघातांच्या संख्येत झपाट्याने वाढ झाली आहे. यामुळे दिवसगणिक मृतांचा आकडाही वाढताना दिसत आहे. काल (शनिवार) हडफडेतील अपघातात तिघांचा मृत्यू झाल्याची बातमी ताजी असतानाच आज पुन्हा अपघातांच्या घटना समोर येत आहेत.

बाणस्तारी पुलावर ट्रक आणि कारमध्ये भीषण अपघात झाला आहे. या अपघातात कारचालक गंभीर जखमी झाला असून पोलीस घटनास्थळी दाखल झाले आहे.

तर दुसरीकडे, दांडो सांगे येथे रात्रीच्या सुमारास अज्ञात व्यक्तीने टेलिफोनच्या खांबाला धडक दिली. पेप्सी कंपनीच्या दिशेने जाणारा जड वाहतुकीचा ट्रक आणि फिश फॅक्टरीचे ट्रक रात्रीच्या वेळी या रस्त्यावरून जात असतात.त्यापैकीच कोणत्यातरी वाहनांची टक्कर झाली असल्याचे बोलले जात आहे