सावंतवाडी तालुक्यातील डिंगणे येथील रहिवासी महादेव चंद्रकांत सावंत (वय 45) यांचा गोव्यातील माशेल परिसरात झालेल्या भीषण रस्ते अपघातात जागीच मृत्यू झाला. गुरुवारी सकाळी सुमारे 9.30 वाजण्याच्या सुमारास ही दुर्दैवी घटना घडली. या अपघातामुळे डिंगणे गावासह परिसरात हळहळ व्यक्त होत असून सावंत कुटुंबावर दुःखाचा डोंगर कोसळला आहे.
महादेव सावंत हे नेहमीप्रमाणे आपल्या दुचाकीवरून डिंगणे येथून गोव्यातील कामाच्या ठिकाणी जात होते. माशेल परिसरात पोहोचताच समोरून भरधाव वेगाने येणाऱ्या जीपने त्यांच्या दुचाकीला जोरदार धडक दिली. धडक इतकी भीषण होती की, त्यांच्या डोक्यासह शरीराच्या विविध भागांना गंभीर दुखापत झाली. त्यामुळे घटनास्थळीच त्यांचा मृत्यू झाला.
अपघाताची माहिती मिळताच गोवा पोलिसांनी तातडीने घटनास्थळी धाव घेत पंचनामा केला. या प्रकरणी संबंधित जीपचालकासह एकूण तिघांना पोलिसांनी ताब्यात घेतले असून अपघात नेमका कशामुळे झाला, याचा सखोल तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.