Bicholim : पायी वारी (Step walking) केल्याने साक्षात पंढरीच्या श्री विठूमाऊलीची भक्ती (Divotes) केल्याचे समाधान (Satisfaction) आणि पुण्य (virtue) तर मिळतेच, त्याहूनही महत्त्‍वाचे म्हणजे होणाऱ्या भक्तीसेवेतून व्यसनमुक्ती (Detoxification) होते, असे मत कीर्तनकार तथा पायीवारीचे प्रणेते उदयबुवा फडके यांनी व्यक्त केले. २००९ साली आषाढी एकादशीनिमित्त गोव्यातून वारकऱ्यांची जी पहिली पायीवारी पंढरपूरला गेली होती. त्या पायी वारीचे उदयबुवा फडके हे प्रणेते आणि संस्थापक (Founder) होते. मुळगाव-डिचोली येथून ही पायीवारी पंढरपूरला रवाना झाली होती. विठ्ठलभक्तांमधील भक्ती जागृत व्हावी, हा उद्देश पायीवारीमागे असला, तरी ‘व्यसनमुक्ती’ ही मुख्य संकल्पना (Idea) यामागे ठेवण्यात आल्याचेही उदयबुवा फडके यांनी सांगितले.

पायी वारीपासून प्रेरणा

मुळगाव येथून पायी वारी सुरू करताच अनेकांनी त्यापासून प्रेरणा घेऊन वारकरी मंडळे स्थापन केली. या मंडळांनीही आमच्या मंडळाच्या पायी वारीचे अनुकरण केले. सद्यस्थितीत गोव्यात जवळपास १३ वारकरी मंडळे आषाढी पायी वारी करतात. वेगवेगळ्या मंडळाच्या माध्यमातून गोमंतकातून दरवर्षी अडीच हजारांहून अधिक विठ्ठलभक्त माऊली वारकरी पंढरीच्या विठुरायाच्या भेटीला जात असतात, अशी माहिती उदयबुवा फडके यांनी दिली.